Білім

«ҰҒКО» АҚ Білім бөлімі ҚР денсаулық сақтау жүйесі үшін қазіргі заманғы жоғары білікті мамандар кадрларын даярлауды жүзеге асырады. Білім бөлімінде жаңа медициналық технологиялар мен ғылыми жетістіктерге сай оқу-әдістемелік құжаттамаларын жаңартуға бағытталған үздіксіз жұмыс жүргізіледі. Оқу практикалық сабақтар және өндірістік тәжірибе кезінде кәсіби дағдыларды үигеруге бағытталған. Алыс және жақын шетелдің жетекші сарапшылары қатысуымен мастер-кластар өткізіледі. Практикалық дағдыларды игеру сапасы оқудың барлық кезеңдерінде жүйелі түрде бақыланып отырады, оқыту курсы аяқталғаннан кейін мемлекеттік үлгідегі сертификаттар беріледі.

Бөлім бастығы Ержанова Р.А.

Негізгі қызметтері

• «Ауруханалық басқару саласындағы халықаралық стандарттарды енгізу» 021 бюджеттік бағдарламасы шеңберінде және демеушілер қаржысы есебінен халықаралық ынтымақтастық бойынша іс-шараларды ұйымдастыру;
• Қоғам, ҚР өңірлерінің мемлекеттік және мемлекеттік емес денсаулық сақтау ұйымдарының мамандары үшін білім беру іс-шараларын ұйымдастыру және өткізу (біліктілікті арттыру циклдары, жұмыс орнындағы тағылымдама және қайта даярлау, мастер-класстар және т.б.);
• Жоғары оқу орнынан кейінгі білім беруді ұйымдастыру және бақылау (резидентура);
• Озық білім орталығы шеңберінде іс-шараларды ұйымдастыру;
• Ақпаратты-ресурстық орталығының жұмысын ұйымдастыру.

Бөлімнің фотосуреттері